किन्नै नसक्ने गरि एकासी ह्वात्तै बढ्यो सुनको भाउ

0

काठमाण्डाै – सुनको भाउ बुधबार तोलामा एक हजार रुपैयाँले बढेको छ । सुन बुधबार तोलाको ७६ हजार पाँच सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।

मङ्गलबार एकैदिन तोलामा दुई हजार रुपैयाँ घटेर सुन तोलाको ७५ हजार पाँच सय रुपैयाँमा कारोबार भएको थियो । चाँदीको भाउ भने आज घटबढ भएको छैन । चाँदी तोलाको सात सय १० रुपैयाँमा कारोबार भइरहेको महासङ्घले जनाएको छ ।

अन्य समाचार : ‘नेपाल सहित दक्षिण–पूर्वी एसियामा काेराेना सङ्क्रमण नियन्त्रणका लागि तत्काल कदम चाल्न आवश्यक’ काठमाण्डाै – विश्व स्वास्थ्य सङ्गठन (डब्ल्यूएचओ) ले दक्षिण–पूर्वी एसियामा कोरोना भाइरस (काेभिड–१९) सङ्क्रमण नियन्त्रणका लागि तत्काल कदम चाल्न आवश्यक रहेको बताएको छ ।

यसअघि कोरोना माहामारीको केन्द्र युरोप भएको बताएको डब्ल्यूएचओले एसिया पनि सङ्कटमा पर्दै गएको भन्दै दक्षिण–पूर्वी एसियामा तत्कालै प्रभावकारी कदम चाल्नुपर्ने बताएको बीबीसीले जनाएको छ । नेपाल सहित एसियाका थाइल्याण्ड, इन्डोनेसिया, भारत, श्रीलङ्का, माल्दिभ्स, बङ्गलादेश र भुटानमा कोरोनाकाे सङ्क्रमण यसअघि भेटिएकाले रोकथामको लागि तत्काल कदम चाल्न डब्ल्यूएचओले चेतावनी देएको हो ।

अहिलेसम्म दक्षिण–पूर्वी एसियाका आठ देशमा काेराेनाकाे सङ्क्रण देखिएकाे छ । नेपालमा एक जनामा कोरोना भाइरसकाे सङ्क्रमण पुष्टि भए पनि उनी पूरै निको भएकाे पनि डब्ल्यूएचओले जनाएको छ ।

त्यस्तै थाइल्याण्डमा एक सय ७७, इन्डाेनेसियामा एक सय ३४, भारतमा एक सय २५, श्रीलङ्कामा १९, माल्दिभ्समा १३, बङ्गलादेशमा पाँच र भुटानमा एक जनामा सङ्क्रमण देखिएकाे छ ।

‘सङ्क्रमण फैलिने क्रम तीव्र बनेकाे छ । थप अन्य व्यक्तिमा सङ्क्रमण हुन नदिन तत्काल पहल गर्नुपर्छ’, विश्व स्वास्थ्य सङ्गठनका दक्षिण–पूर्वी एसियाका क्षेत्रीय निर्देशक डाक्टर पूनम क्षेत्रपाल सिंहले भनिन् ।

यसैबीच युरोपियन युनियन (ईयू) ले आफ्नो सदस्य राष्ट्रबाहिरका देशहरुको लागि ३० दिनको प्रतिबन्ध लगाएको छ ।

चीनको वुहानबाट सुरु भएको कोरोनाको सङ्क्रमण चीनमा नियन्त्रणतिर गइरहेकाे बेला विश्वका अरु देशमा फैलने क्रम तीव्र बनेको विश्व स्वास्थ्य सङ्गठनले जनाएको छ ।

अहिलेसम्म एक सय ६५ देश एक लाख ९८ हजार चार सय २२ जनामा सङ्क्रमण भएकोमा ८२ हजार सात सय ६२ जना उपचारपछि निको भएका छन् । सात हजार ९ सय ८७ जनाको ज्यान गइसकेको छ ।

Leave A Reply

Your email address will not be published.