कोरोना मुक्तिको कामना गर्दै बागलुङमा विश्वशान्ति महायज्ञ शुरु

0

गलकोट । विश्वभर महामारीका रुपमा फैलिरहेको कोभिड–१९ को शान्तिको कामना गर्दै बागलुङमा श्रीमद्भागवत् कोरोना विश्वशान्ति महायज्ञ शुरु गरिएको छ ।

कोरोना भाइरसको सङ्कटबाट विश्वलाई मुक्ति दिलाउनका लागि सातदिने विश्वशान्ति महायज्ञ शुरु गरिएको हो । जिल्लाको बागलुङ नगरपालिका–४ कुँडुलेस्थित जलेश्वर महादेव मन्दिरमा विश्वशान्ति महायज्ञको आयोजना गरिएको छ । महायज्ञमा बाहिरी भक्तजनलाई भने निषेध गरिएको छ । भक्तजनलाई महायज्ञ सुन्नका लागि माइकिङबाट प्रसारणको व्यवस्था मिलाइएको छ ।

सम्बन्धित विषय बाँकेका ५६ को रिपोर्ट नेगेटिभ, स्वाब संकलन जारी हात्ती र सिंह गायव पार्थे यी जादुगर, तर कोरोनालाई जित्न नसकेर गयो ज्यान नेपालको पहिलो स्थानीय कोरोना संक्रमित महिला डिस्चार्ज

सारा विश्वमा सङ्कटका रुपमा पैदा भएको कोरोना भाइरसबाट मुक्ति दिइ शान्ति पैदा गर्न र विश्वमा मुत्युवरण गरेकाको सम्झनामा श्रीमद्भागवत् महापुराण कोरोना विश्वशान्ति महायज्ञको आयोजना गरिएको जलेश्वर महादेव मन्दिरका संस्थापक एवं महायज्ञका मूल अर्चक चन्द्रदत्त आचार्य (स्वामी चन्दन गिरि)ले बताए ।

परापूर्वकालमा ऋषि महर्षीले महामारीका समयमा विभिन्न यज्ञको आयोजना गरी विश्वशान्तिको कामना गर्न पाइएको भन्दै आचार्यले परम्परालाई निरन्तरता दिँदै यज्ञ आयोजना गरेको बताए । यज्ञमा पूर्णरूपमा सामाजिक दूरी कायम गरिएको छ । कार्यक्रममा मूल वाचकका रूपमा विश्व हिन्दू सङ्गठनका दक्षिण एशिया प्रमुख चन्द्रकान्त पौडेल एवं उपवाचकका रूपमा पण्डीत श्री हरिकृष्ण रेग्मी हुन् । कार्यक्रम सात दिनसम्म चल्नेछ ।

महायज्ञमा भीडभाड गर्न निषेध गरिएको छ भने माइकमार्फत घरमै बसेर कथा एवं पाठ पारायण सुन्न अनुरोध गरिएको छ । महायज्ञमा कोरोना सङ्कट मुक्तिका लागि दीप प्रज्वलन, दीप पूजा, लक्ष्मी पूजा, गणेश पूजा, भागवत पाठपारायण, आरती भजन र भागवतको कथालगायतका कार्यक्रम दैनिकरुपमा गरिँदै आएको छ । यस्तै विश्व शान्तिकाे कामना गर्दै पशुपतिमा पनि विशेष पुजा गरिएकाे थियो ।

Leave A Reply

Your email address will not be published.