खुशीको खबर, आज आठजना कोरोना संक्रमित उपचर पछि निको भएर डिस्चार्ज हुँदै

0

दाङ- कोरोना विशेष अस्पताल दाङबाट आठजना कोरोना संक्रमित डिस्चार्ज हुँन लागेका छन् । संक्रमण पछिको दुईवटा परीक्षण नेगेटिभ देखिए पछि दाङ, बाँके र कपिलवस्तुका आठजना कोरोना जितेर घर फर्किन लागेका हुन् ।

बाँकेका तीनजना, कपिलवस्तुका ४ जना र दाङका एकजनाको रिपोर्ट नेगेटिभ आएसँगै डिस्चार्च गर्न लागिएको हो । १६ जनाको परीक्षण गरिएकोमा ८ जनाको नेगेटिभ आएको बताइएको छ । अस्पतालमा ४० जना संक्रमितको उपचार भइरुहेको छ । अहिले सबैको अबस्था सामान्य रहेको बताइएको छ ।

अन्य समाचार : साउदी अरेबियामा रहेका श्रमिकलाई सम्पर्कमा रहन आग्रह काठमाडौँ। साउदी अरेबियामा रहेका नेपाली श्रमिकलाई खानबस्न कुनै समस्या परेमा आफ्नो विवरण दूतावासमा टिपाउन रिहादस्थित नेपाली राजदूतावासले आग्रह गरेको छ।

नेपाली दूतावासले सबै नेपाली श्रमिकलाई आफ्नो यथार्थ समस्या दूतावासमा जानकारी गराउन आग्रह पनि गरेको हो। श्रमिकले भने त्यहाँको नेपाली दूतावासको फोन रिसिभ नभएको भन्दै गुनासो गदै आएका छन्।

विगत चार वर्षदेखि साउदीमा कार्यरत पर्वतको बाच्छा स्थायी घर बताउने विमल पराजुलीले एक महिनादेखि साउदीमा काम नभएर बेखर्ची भई खानबस्नै समस्या भएर दूतावासमा फोन गरे पनि नउठेको गुनासो गरे।

गएको एक वर्षदेखि साउदीमा अवैध भएर हार्डवेयर पसलमा काम गरिरहेका उनलाई साहुले कामबाट निकालेसँगै बेखर्ची भएर केही दिनदेखि नेपाली साथीको डेरामा आश्रय लिइरहेको दुःखेसो सुनाए।

उनले भने, दूतावासमा धेरैपटक फोन गरे तर रिसिभ नै भएन, खान बस्नै समस्या भएर अहिले साथीकोमा आश्रय लिइरहेको छु, उनको पनि कमाइ छैन, बाँच्नै समस्या भएको छ। पराजुलीले साउदीमा आफूजस्तै थुप्रै नेपाली श्रमिक काम नभएर समस्यामा भएको गुनासो गरे। यता साउदीको दूतावासले भने साउदीमा समस्यामा परेका नेपालीलाई स्रोतसाधनले भ्याएसम्म सहयोग गरिरहेको जानकारी गराएको छ। गाेरखापत्र दैनिक

Leave A Reply

Your email address will not be published.